മാനത്തു കൊടിക്കൂറ 
മഴത്തുള്ളികളുടെ മഹാ സംഗമം
സാഗരം സാക്ഷി 
.................................
ഒരുമയുടെപെരുമ 
മഴത്തുള്ളികളുടെ ഘോഷയാത്ര 
തോടും റോഡും കവിയുന്നു 
.....................................................
തോടുകള്‍ക്ക് 
പുഴയുടെ അഹങ്കാരം 
ഇടിച്ചു നിരത്തല്‍ 
.........................................................
ഇടിമുഴങ്ങുന്നു
ഞങ്ങളുടെ മഴപ്പാടങ്ങള്‍ ഞങ്ങള്‍ക്ക് 
മുദ്രാവാക്യം 
..............................................................
ഉദ്ബോധനം
ഓലത്തുമ്പത്ത് മഴത്തുള്ളി
ആകാശത്തുനിന്നൊരു ഫ്ലാഷ്
..............................................................
തോട്ടങ്ങളില്‍ 
മഴത്തുള്ളികള്‍ സംഘടിക്കുന്നു 
വെള്ളപ്പൊക്കം 
......................................................................
പത്രവാര്‍ത്ത 
മഴയുടെ കൂറ്റന്‍ റാലി
കോടികള്‍ നഷ്ടം 
.................................................................
പരാജയസമരം
മഴത്തുള്ളികളുടെ കൂട്ടആത്മഹത്യ
വെള്ളച്ചാട്ടം

മഴമുത്തിനെ

താങ്ങുവാനാകാതെ

മുളയില

 

മഴനൂലുപൊട്ടിച്ചു 

കൈവള തീര്‍ത്തു

മുറ്റത്തൊരു കവുങ്ങ്

 

മേഘം റാഞ്ചിയ

മഴക്കുഞ്ഞുങ്ങള്‍

മണ്ണിന്റെ മടിത്തട്ടിലേക്ക്

 

പതിഞ്ഞ താളത്തില്‍

ഓട്ടിന്‍ പുറത്ത്

മഴ മദ്ദളം കൊട്ടുന്നു

 

വിയര്‍ത്തുകുളിച്ചു

കയറിവരുന്നു

അച്ഛനൊപ്പം മഴക്കാറ്റും

 

മഴ, മരം മേല്‍ക്കൂരയാക്കി

അമ്മയും മകളും

കൂരയില്‍ നക്ഷത്രജാലം

 

മേല്‍ക്കൂരപെയ്യുന്നു

കുസൃതിത്തുള്ളികള്‍

തുള്ളിക്കളിക്കുന്നു

കടലിരമ്പുന്നു
നീതന്ന ശംഖു 
മാറോടണച്ചപ്പോള്

പൂമ്പട്ടു നെയ്തു
പുതച്ചുറങ്ങുന്നു
കാനന സുന്ദരി

ശാന്തതടാകം
പാല്ച്ചിരിപെയ്തു നീ
ഹരിതാഭമീ പ്രണയസരോവരം

വിജനവീഥി.
കാലടിപ്പാടുകള്‍ മായ്ച്ചു
കാറ്റും കടന്നു

ആഴങ്ങളില്‍ചുഴിയുമായി ആഴി 
തുഴപോയ തോണി
നീ പച്ചപ്പവിഴത്തുരുത്ത്

പച്ചക്കസവിട്ടു
തിരഞൊറിഞ്ഞുടുത്തു 
തീരംവേളിയ്ക്കൊരുങ്ങുന്നു

‍

മല്‍പ്പിടുത്തം
അതും ഹൈക്കുവുമായി
ചിതറിയവ

>>>>>>>>>>>>>>>>>>>>>>>>>>>>

നക്ഷത്രം വഴികാട്ടി
വെന്തമണല്‍ക്കാടുകള്‍ക്കപ്പുറം
മഴവില്ല്
-----------------------------------------------------------...
പൂക്കാവടി തുള്ളുമ്പോള്‍
ഒക്കത്തൊരു തുള്ളല്‍
അമ്മയും കുഞ്ഞും
-------------------------------------------------------------
തൊട്ടതേയുള്ളൂ
പൊട്ടിത്തെറിച്ചു പോയി
മുറ്റത്തെ വാത്സ്യം
----------------------------------------------------------------
വഴി വാണിഭം
നാഴിയ്ക്ക് പിടിയരി
അണ്ണാറക്കണ്ണന്‍
-----------------------------------------------------------------
ഉണ്ടുനിറയണംഉണ്ണിയ്ക്ക്
കണ്ടു നിറയണം അമ്മയ്ക്ക്
മൂടിവച്ചപാത്രം
-----------------------------------------------------------------
കണ്ണീരു തുടച്ചില്ല
കടുക് തേടാന്‍ പറഞ്ഞു
കദനമൊഴിഞ്ഞു
------------------------------------------------------------------
ഒരു ഹൃദയം
പറിച്ചു വച്ചിരിക്കുന്നു
അമ്മത്തൊട്ടിലില്‍
------------------------------------------------------------------
എത്തിനോക്കുന്നു
കരിമേഘകരിമ്പടത്തില്‍ നിന്ന്
ഒരമ്പിളി മുഖം
-----------------------------------------------------------------
അച്ഛനൊപ്പം പടികയറുന്നു
അമ്മയുതിര്‍ത്ത
ഒരു നെടുവീര്‍പ്പ്
---------------------------------------------------------------------
എന്റെ മക്കളെ
തമ്മില്‍ തല്ലിയ്ക്കുന്നു
കാറ്റിനോട് മാവ്

""മരണത്തിലൂടെയാണ് പല നല്ല മനുഷ്യരും പിറന്നത്‌......""

കര്‍ണ്ണാമൃതം
മുളംതണ്ട്‌ പാടുന്നു
ശാന്തം ഭജനം
>>>>>>>>>>>>>>>>>>

ഇടവപ്പാതി
കൊട്ടിത്തുടങ്ങിയതേയുള്ളൂ ...
അതാ ഒരുനര്‍ത്തകി
>>>>>>>>>>>>>>>>>>>>>

മൃദംഗ താളം
മഴവിരല്‍ തുമ്പില്‍
ദ്രുത സംഗീതം
>>>>>>>>>>>>>>>>>>>>>>>

വര്‍ണ്ണത്തില്‍
സ്വര്‍ണ്ണ മുരുക്കുന്നു
കര്‍ണ്ണികാരം
>>>>>>>>>>>>>>>>>>>>>>>

തുമ്പപ്പെണ്ണിന്
പാടവരമ്പത്ത്
കുരുത്തോല കല്യാണം
>>>>>>>>>>>>>>>>>>>>>>

ദീപാരാധന
ആലിലത്തുമ്പിലും
ഹരിനാമകീര്‍ത്തനം
>>>>>>>>>>>>>>>>>>>>>

അവള്‍വന്നു
തിരപ്പുറത്തേറി
ഉടയുന്ന മുത്തുകള്‍
>>>>>>>>>>>>>>>>>>>>>

ചിപ്പിയ്ക്കുള്ളില്‍
തപസ്സു ചെയ്യുന്നു
കണ്ണീര്‍ത്തുള്ളി
>>>>>>>>>>>>>>>>>>>>>

കാത്തിരിക്കുന്നു
കടല്‍ത്തീരമിപ്പോഴും
അകന്ന വഞ്ചിപ്പാട്ട്
>>>>>>>>>>>>>>>>>>>>

പതിനേഴിന്‍
പടിവാതിലില്‍
മഞ്ഞുതുള്ളി
>>>>>>>>>>>>>>>>>>>

ശൈശവപുഞ്ചിരി
കണ്ണുചിമ്മി താരകം
മാനംകെട്ട മഴവില്ല്
>>>>>>>>>>>>>>>>>>>>>>>>>>>>
 

അമ്പിളിത്തുട്ട്
തെളിനീരിലിട്ടു
നിശ്ചലംകാറ്റ്
>>>>>>>>>>>>>>>>>>>>>>>>>>>>>

കുളിരാവണം
കടലുംവഹിക്കണം
പുല്‍ക്കൊടിത്തുമ്പിലെ മഞ്ഞുതുള്ളി
>>>>>>>>>>>>>>>>>>>>>>>>>>>>>>

മൂവരിയില്‍
മുക്കോടി നിറങ്ങള്‍
ഹൈക്കു മഴവില്ല്
>>>>>>>>>>>>>>>>>>>>>>>>>>>>>>>

കാട് കരയുന്നു
കാറ്റിന്‍വിരല്‍ തൊടുന്നിടത്തൊക്കെയും
കബന്ധങ്ങള്‍
>>>>>>>>>>>>>>>>>>>>>>>>>>>>>>>>

തലോടിയത്രേ
പാഴില ഒളിച്ചോടി
കാറ്റിന്‍റെയൊപ്പം
>>>>>>>>>>>>>>>>>>>>>>>>>>>>>>>>

കിഴക്കേമാനം
നെയ്ത്തിരി കത്തിച്ചു
ആ ശംഖനാദം
>>>>>>>>>>>>>>>>>>>>>>>>>>>>>>>>

അസ്തമന സൂര്യന്‍
തിരകളെണ്ണുന്നു
മാഞ്ഞ കാല്‍പ്പാടുകള്‍
>>>>>>>>>>>>>>>>>>>>>>>>>>>>>>>>

ആകാശത്തമ്പിളി നീലനിലാവ്
പപ്പടവട്ടത്തിലൊരുചെറുപൊട്ടെന്നു
കൂപമണ്ഡുകവും
>>>>>>>>>>>>>>>>>>>>>>>>>>>>>>>>>>