മഷിത്തണ്ട്

ഞാന്‍ നിന്റെ മുറ്റത്തേയ്ക്ക്

പെയ്തു വീണപ്പോള്‍

എന്നിലെ നീര്‍ക്കുമിളകള്‍ക്ക്

മേലായിരുന്നു നിന്റെ ഭ്രമം

ആ ചില്ലുകൊട്ടാരങ്ങളിലായിരുന്നു

എന്റെ സ്വപ്നങ്ങളും

ഉടയാന്‍ മാത്രം വിധിക്കപ്പെട്ട

നീര്‍പ്പോളകള്‍

 

ചെളിപുരണ്ടു

ഞാനൊലിച്ചു പോകുമ്പോള്‍

എന്നിലെ ച്ചുഴികളിലായിരുന്നു

നിന്റെ കണ്ണുകള്

‍ആ ചുഴികളില്‍ തന്നെ യായിരുന്നു

ഞാനോടുങ്ങിയതും

നിനക്ക് ചുറ്റും മാത്രം

കറങ്ങാന്‍ വിധിക്കപ്പെട്ട

ജലതരംഗങ്ങള്‍