മഷിത്തണ്ട്

പിറന്ന മേഘങ്ങളിലേക്ക്

തിരിച്ചു പോകാനാകാതെ

മഴത്തുള്ളി പിടഞ്ഞതു

പുഴയുടെ അടിമ  ആയതിനാലാവണം

 

മലമുകളിലേക്ക് ഒരിക്കലും

ഒഴുകിയെത്താനാവില്ലെന്നറിഞ്ഞിട്ടും

പുഴ അടിവാരത്തില്‍ അലമുറയിട്ടത്

അടിപ്പെട്ടതിനാലാവണം

 

തലയ്ക്കു മീതെ മേഘത്തെ കണ്ടപ്പോള്‍

കാറ്റത്തോടിയെത്താനാവില്ലെന്നറിഞ്ഞു

മല ഗര്വ്വടക്കി ശിരസ്സ്‌ നമിച്ചത്

കാറ്റിനോടുള്ള വിധേയത്വമായിരിക്കാം